VII Xornadas de Agroecoloxía de Ourense durante esta semana

VII_Xornadas_Agroecoloxia_Ourense_2016Entre o domingo 3 de abril e o sábado día 9, terán lugar en Ourense as VII Xornadas de Agroecoloxía.

Organizadas polos colectivos Amigos da Terra, A Galleira, Cineclub Padre Feijoo, Semente, Silvardeiras, Sustinea e Xurumelxs.

Unhas xornadas nas que poderemos gozar dunha chea de actividades, desde visitas a produtoras de agricultura ecolóxica ata cine, obradoiros, palestras informativas, roteiros, accións de rúa, petiscadas e concertos.
Continue reading VII Xornadas de Agroecoloxía de Ourense durante esta semana

IV edición do Mercado Ecolóxico Tradicional o venres 29 de Marzo

Quilmas acolle a IV edición do Mercado Ecolóxico Tradicional o venres 29 de Marzo.

Este mercado enmárcase nunha ristra de eventos que terán lugar nos vindeiros 6 meses onde acogollaremos na nosa aldeia un compendio dos diferentes movementos que están a xirar e traballar ao redor da agroecoloxía na Galiza.

As labregas, apicultoras, artesás dos alimentos e da natureza e colectivos que traballan a cotío pola defensa do medio ambiente, teñen nestes eventos un espazo para a mostra, a divulgación e a conexión de ideias co público en xeral.

As persoas que teñan inquedanzas nos xeitos de produción de alimentos ecolóxicos ou en movementos de acción medioambiental e sostibilidade práctica, en proxectos pola defensa da terra…

Continue reading IV edición do Mercado Ecolóxico Tradicional o venres 29 de Marzo

VI ENCONTRO DA REDE GALEGA DE SEMENTES, domingo 24 febreiro, MOAÑA

Será na Praza de Abastos de Moaña, co seguinte horario:

  • 11.00h Apertura da mesa de troco
  • 12.00h Obradoiro de sementeiras
  • 16.00h Obradoiro de preparados naturais: plantas que curan plantas
  • 18.00h Charla do Grupo de Consumo de Moaña “Patacas do Cedo”
  • 19.30h Peche da mesa de troco

…e ó longo do día: xogos para nenos, feira de produtores e artesáns.

NOTA: A mesa de troco de sementes estará pechada de 14.00 a 16.00h

Mais info: redegalegadesementes.wordpress.com

I Curso de “Descortizado de sobreiras” por Abella Lupa

Dende AGA informamos da seguinte actividade que organiza Abella Lupa.  Ésta e mais actividades apícolas en www.apiculturagalega.org

 

I CURSO DE “DESCORTIZADO DE SOBREIRAS” (EXTRACCIÓN DE CORTIZA) NO SOBREIRAL DO ARNEGO (AGOLADA-PONTEVEDRA)

 

Sábado 4 de Agosto
Organiza: Abella Lupa

OBXECTIVO DO CURSO:

A extracción da cortiza da sobreira nas ribeiras dos ríos Arnego e Deza vénse facendo dende hai séculos para preparar os cortizos, que se utilizaron até hai ben pouco como “colmeas” para as abellas melíferas (Apis mellifera L.). A chegada da colmea moderna móbil (moito máis produtiva) e a aparición da doenza das abellas coñecida como “varroase”, fixeron que os cortizos deixasen de se producir e polo tanto abandonouse o aproveitamento tradicional e local das sobreiras. Non embargante, nos últimos vinte anos tense producido unha entrada de empresas “non locais” que extraen a cortiza para a súa trituración (para a posterior confección de aglomerados, illantes, chans…). Estas empresas empregan técnicas máis agresivas, orientadas unicamente por criterios produtivos, que non teñen en conta as cautelas que poden permitir a sostibilidade deste recurso, ameazando a conservación das corticeiras cos seus pequenos bosques.

Con este curso pretendemos iniciar ás persoas interesadas (especialmente vinculadas á apicultura ou a espazos naturais con presenza desta árbore), nas técnicas de aproveitamento da cortiza máis respectuosas coa conservación e a xestión das sobreiras. Asemade, achegámonos a unha actividade tradicional que vale como exemplo das posibilidades de desenvolvemento dos espazos da Rede Natura 2000, dun xeito compatíbel co fomento da biodiversidade. Por último, amosaremos contidos sobre o ciclo da cortiza, os períodos de saca, o manexo das ferramentas ou sobre os coidados preventivos para esta árbore, coa finalidade de divulgar as bases do emprego de criterios técnicos “brandos”.

Desexamos que este curso sexa o primeiro en relación coa cortiza das sobreiras e a apicultura, xa que pretendemos organizar unha segunda parte co título: CONFECCIÓN DE CORTIZOS NO SOBREIRAL DO ARNEGO, con data de celebración en novembro ou decembro.

 

Continue reading I Curso de “Descortizado de sobreiras” por Abella Lupa

Horta urbana Eiris

Desde Eiris na Coruña:

Como algúns saberedes, hai pouco que se creou un blogue do Barrio de Eirís, onde actualmente resido coa miña familia, chamado O Campo da Fresa. Hoxe se colgou unha iniciativa que nos leva algún tempo rondando a cabeza. Espero que vos poidades facer eco do post e se vos animades a participar, por favor contactade!

Iniciativa de hortas urbanas en Eirís ¿estás interesado?