Almanaque agreleiro

Se tes interese en contactar co grupo agrelar, estas son as datas das nosas quedadas.

Facemos as nosas asembleas en Allariz no C.S. A Cambalhota, e para facer o reparto de produtos combinamos no Campo da Barreira. Actualmente estamos xuntándonos de 19:30 a 21:00 horas, un mércores cada catro semanas.

As próximas datas programadas son:

  • 05/07/2017 – 19:30h
  • 02/08/2017 – 19:30h
  • 30/08/2017 – 19:30h
  • etc…

Para apresentarte ao grupo podes vir en calquera destas xuntanzas.
As portas están abertas!

VII Xornadas de Agroecoloxía de Ourense durante esta semana

VII_Xornadas_Agroecoloxia_Ourense_2016Entre o domingo 3 de abril e o sábado día 9, terán lugar en Ourense as VII Xornadas de Agroecoloxía.

Organizadas polos colectivos Amigos da Terra, A Galleira, Cineclub Padre Feijoo, Semente, Silvardeiras, Sustinea e Xurumelxs.

Unhas xornadas nas que poderemos gozar dunha chea de actividades, desde visitas a produtoras de agricultura ecolóxica ata cine, obradoiros, palestras informativas, roteiros, accións de rúa, petiscadas e concertos.
Continue reading VII Xornadas de Agroecoloxía de Ourense durante esta semana

Cambios

construccionNestes intres en agrelar estamos vivindo un intenso proceso de cambios.

Cambios en relación aos nosos queridos Pilar e Eloi (*), cambios organizativos en canto ás dinámicas de funcionamento, cambios pola moita xente nova que veu ao grupo, cambios polos enfoques novos que van surdindo… por todo isto e máis que ha de vir, tamén haberá cambios na web, tanto, que pronto haberá nova web.

Esencialmente será mais simple e mais funcional. Estará enfocada ás duas principais vertentes que levamos desenvolvendo colectivamente desde fai catro anos, unha como ferramenta facilitadora na xestión do grupo e duas como propiciadora das relacións comunitarias, neste caso no ámbito virtual.

Tamén comentar que mudamos de software cms, deixamos joomla e achegamonos a wordpress …ou sexa que pronto haberá novidades!

IV edición do Mercado Ecolóxico Tradicional o venres 29 de Marzo

Quilmas acolle a IV edición do Mercado Ecolóxico Tradicional o venres 29 de Marzo.

Este mercado enmárcase nunha ristra de eventos que terán lugar nos vindeiros 6 meses onde acogollaremos na nosa aldeia un compendio dos diferentes movementos que están a xirar e traballar ao redor da agroecoloxía na Galiza.

As labregas, apicultoras, artesás dos alimentos e da natureza e colectivos que traballan a cotío pola defensa do medio ambiente, teñen nestes eventos un espazo para a mostra, a divulgación e a conexión de ideias co público en xeral.

As persoas que teñan inquedanzas nos xeitos de produción de alimentos ecolóxicos ou en movementos de acción medioambiental e sostibilidade práctica, en proxectos pola defensa da terra…

Continue reading IV edición do Mercado Ecolóxico Tradicional o venres 29 de Marzo

VI ENCONTRO DA REDE GALEGA DE SEMENTES, domingo 24 febreiro, MOAÑA

Será na Praza de Abastos de Moaña, co seguinte horario:

  • 11.00h Apertura da mesa de troco
  • 12.00h Obradoiro de sementeiras
  • 16.00h Obradoiro de preparados naturais: plantas que curan plantas
  • 18.00h Charla do Grupo de Consumo de Moaña “Patacas do Cedo”
  • 19.30h Peche da mesa de troco

…e ó longo do día: xogos para nenos, feira de produtores e artesáns.

NOTA: A mesa de troco de sementes estará pechada de 14.00 a 16.00h

Mais info: redegalegadesementes.wordpress.com